O Rexistro Electrónico de Apoderamento da Administración Xeral do Estado (REA) é un servizo que permite inscribir e xestionar os apoderamentos apud acta que as persoas interesadas outorgan a outras persoas, físicas ou xurídicas, para actuar no seu nome de forma electrónica ante a AGE e o seu organismo públicos vinculados ou dependentes, así como ante entidades doutras Administracións Públicas adheridas a este rexistro.
Un apoderamento é a concesión de poder que unha persoa, física ou xurídica, outorga a outra para que a represente, neste caso, ante as Administracións Públicas.
Os actores dun apoderamento son:
- A persoa física/persoa xurídica que actúa como poderdante é quen outorga o poder a outra persoa, física ou xurídica, para que actúe no seu nome.
- A persoa física/persoa xurídica que actúa como persoa apoderada é quen recibe o poder outorgado, que lle vai a permitir exercer a representación ante as Administracións Públicas.
O REA permite a inscrición de apoderamentos tamén por parte da persoa apoderada, neste caso, a vontade da persoa poderdante de outorgar poderes á persoa apoderada deberá estar recollida nun documento notarial ou documento privado asinado electronicamente por ambas as partes que terá que ser bastanteado polos asesores xurídicos da Administración. O proceso de verificación da suficiencia determina se o acordo asinado por ambas as partes é bastante e suficiente para inscribir o tipo de poder especificado pola persoa apoderada.
De acordo á Lei 39/2015, do 1 de outubro, do Procedemento Administrativo Común das Administracións Públicas, os poderes que se inscriben no REA corresponden a algunha das seguintes tipoloxías:
- Un poder xeral para calquera actuación administrativa e ante calquera Administración.
- Un poder para calquera actuación administrativa ante unha Administración ou Organismos públicos ou entidades de dereito público concretos.
- Un poder para a realización de determinados trámites especificados no poder.
No seguinte diagrama de contexto represéntanse os actores implicados.
Para a persoa interesada (persoa física ou persoa xurídica):
- Permite autorizar, de forma telemática, a persoas apoderadas para que actúen no seu nome nos trámites electrónicos administrativos.
Para a Administración:
- Posibilita a verificación da suficiencia de poderes por parte da Avogacía do Estado.
- Evita a acumulación de papel.
O acceso telemático ao REA permite realizar as seguintes accións, previa identificación con certificado dixital ou DNI electrónico:
Como poderdante:
- Inscribir un apoderamento dalgún dos tipos definidos no art. 6 da Lei 39/2015
- Consultar os seus apoderamentos
- Revogar os seus apoderamentos
- Prorrogar a vixencia dos seus apoderamentos
Como apoderado:
- Inscribir un apoderamiento aportando un poder notarial o documento privado firmado electrónicamente que demuestre la voluntad de la persona poderdante de otorgarle el poder.
- Consultar os seus apoderamentos
- Renunciar a apoderamentos
Para realizar un apoderamento en REA seguiranse estes pasos:
En calquera caso, o REA rexistrará a solicitude no Rexistro Electrónico Xeneral, realizará o alta do apoderamento e devolverá ao usuario un xustificante asinado electronicamente do rexistro, indicando, entre outros, o resumo do apoderamento, o número de rexistro, e a data e hora do alta no Rexistro.