O sistema de información GEStión de FICH eros (GESFICH) permite o envío e recepción a través de Internet de ficheiros de gran capacidade e volume entre usuarios coñecidos e previamente dados de alta. O tráfico de datos (normalmente en ficheiro comprimidos previamente polo propio sistema de información) entre usuarios realízase de maneira segura en sesións SSL utilizándose o correo electrónico como sistema para avisar da recepción dalgún ficheiro. Pola capacidade e volume dos ficheiros o seu envío sería imposible a través dos medios habituais (correo electrónico).
Este sistema de información púxose en funcionamento para evitar a xeración de soportes físicos de datos (cintas, CDs, DVDs.) de pensións ou pensionistas de Clases Pasivas do Estado así como o seu posterior transporte e entrega ao usuario final (normalmente terceiras persoas encargadas da manipulación dos datos para confeccionar documentación de carácter masivo) e a súa substitución polo envío a través de Internet da mesma información garantindo en todo momento a identidade do receptor.
A seguridade está garantida mediante a utilización de certificados electrónicos como medios de identificación, así como a necesidade previa de autorización como usuario do sistema.
O acceso a este sistema de información desde Internet realízase a través do escritorio personalizado de sistemas de información.
O seu uso está restrinxido ás comunicacións coa Intervención Xeral da Administración do Estado.