"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".
21 febreiro 2018
Decidim é unha infraestrutura dixital para a democracia participativa baseada en software libre (Ruby on Rails), que facilita a creación de portais de participación cidadá en Barcelona.
O obxectivo do proxecto é implementar, deseñar, desenvolver, probar e promover unha plataforma en liña open source (baixo licenza AGPL v 3.0) para promover a participación dos cidadáns de Barcelona en procesos lexislativos e políticos mediante procedementos de participación e voto electrónico os cales permiten compartir información, crear comunidades para expresar opinións e votar a iniciativas nas que se implica o concello no que viven.
En Decidim Decidim , as persoas usuarias da plataforma (participantes) interactúan a través dos mecanismos de participación chamados compoñentes que ofrecen funcionalidades específicas para diferentes espazos de participación. É dicir, os espazos de participación como as Iniciativas, as Asembleas, os Procesos ou as Consultas dispoñen de compoñentes que se combinan como mecanismos de participación. Entre os compoñentes máis destacados están os encontros presenciais, as enquisas, as propostas, as votacións, o seguimento de resultados e os comentarios.
