O órgano máximo de gobernación TIC na Administración Xeral do Estado é a Comisión de Estratexia TIC, na que estarán representados todos os Ministerios. Este órgano actuará de nexo de unión e aliñamento entre os obxectivos e prioridades establecidas polo Goberno e o uso das Tecnoloxías da Información e as Comunicacións para satisfacer as necesidades da Administración.
Entre as súas principais funcións figura a elaboración e proposta ao Consello de Ministros da Estratexia TIC, declarar os medios e servizos compartidos, declarar os proxectos de interese prioritario e informar anualmente o Consello de Ministros do estado de transformación dixital da Administración.
O Pleno da Comisión reunirase polo menos dúas veces ao ano. Pero para axilizar a toma de decisións a Comisión de Estratexia TIC contará cun Comité executivo da Comisión de Estratexia TIC.
A composición e funcións exactas do Comité Executivo serán determinadas pola Comisión de Estratexia TIC. O calquera caso non poderá contar con máis de 10 membros con dereito a voto e reunirase mensualmente para abordar cuestións tácticas e estratéxicas sobre as materias que lle delegue a Comisión.
O seu funcionamento e composición está regulado polo Real Decreto 1125/2024
do 5 de novembro, polo que se regulan a organización e os instrumentos operativos para a Administración Dixital da Administración do Estado.
Nos Orzamentos Xerais do Estado para o ano 2022 dispúxose a creación da Axencia Estatal de Administración Dixital por medio da súa disposición adicional centésima décima sétima. A creación da Axencia obedeceu a razóns de interese cualitativo e de mellora na prestación dixital dos servizos públicos.
Real Decreto 1118/2024 , do 5 de novembro, polo que se aproba o Estatuto da Axencia Estatal de Administración Dixital.
