Se algo está claro, no punto onde nos atopamos, é que temos a necesidade de abordar a xestión do documento electrónico desde a colaboración a diferentes niveis, con carácter multidisciplinar, desde a óptica das diferentes administracións públicas e en actuación coordinada entre os sectores público e privado.
Os documentos son unha consecuencia da actividade desenvolvida polas institucións. Son a memoria do Estado e das institucións, e como evidencia desa actividade, os documentos consérvanse polo seu valor probatorio ou polo seu valor histórico ou cultural; son proba e son información. Ata hai algún tempo, acumulabamos e xestionabamos papel. Desde hai algún tempo desenvolveuse a xestión electrónica deses documentos en papel. Nos últimos anos empezamos a xestionar moitos deses mesmos documentos, pero en soporte electrónico.
A transformación dixital é a xestión do documento electrónico, o que é moi diferente á mera xestión electrónica do mundo analóxico. Aínda que pareza un detalle menor, ou un xogo de palabras, en boa medida a transformación dixital reside precisamente en ter claro ese detalle.
Para máis información pode consultar a nota técnica: O documento electrónico é un camiño colectivo
