"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".
28 maio 2014
A ONU ten establecido anualmente o “Programa de Premios ao Servizo Público de Nacións Unidas (UNPSA)” no cal a Plataforma de Intermediación foi gañadora na categoría de: “Mellorando a prestación dos servizos públicos”.
O obxectivo xeral do Premio é recompensar as contribucións creativas das institucións do servizo público a mellorar a eficiencia e sensibilidade da administración pública dos países de todo o mundo. A través dun concurso anual, o Premio das Nacións Unidas tenta promover o rol, profesionalismo e visibilidade do servizo público, o programa ten como obxectivo descubrir novas innovacións na gobernación, motivar aos funcionarios públicos para promover a innovación, elevar a imaxe do servizo público, mellorar a confianza no goberno e recompilar e compartir prácticas exitosas para a súa posible réplica dentro entre os países.
A plataforma de Intermediación de datos presentouse á categoría, “Mellorando a prestación dos servizos públicos”, na que resultou gañadora. A plataforma de Intermediación de datos permitiu durante o pasado 2013 que non se presentasen 30 millóns de documentos por parte dos cidadáns, cun aforro estimado de 152 millóns de Euros, a través dos seus máis de 34 servizos de verificación e consulta de datos.
