Xunta de Galicia pon a disposición a través do seu
portal Open Data.
" />
Xunta de Galicia pon a disposición a través do seu
portal Open Data." />
PAe - Federación do portal open data da Xunta de Galicia con datos.gob.es
"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".
26 maio 2014
Desde o 21 de maio de 2014 xa se poden consultar desde datos.gob.es os conxuntos de datos abertos que a Xunta Xunta de Galicia pon a disposición a través do seu portal Open Data .
A publicación destes conxuntos de datos realízase a través da federación establecida entre o Catálogo de Datos abertos da Xunta de Galicia e o Catálogo de datos de datos.gob.es . Galicia é a segunda Comunidade Autónoma, despois de Castela e León, en incorporarse a datos.gob.es, aumentando así a accesibilidade e dispoñibilidade dos seus datos.
A federación destes catálogos é posible grazas a que a Xunta de Galicia publica os metadatos de todos os seus conxuntos de datos en RDF e cumprindo o estipulado na Norma Técnica de Interoperabilidade de Reutilización de recursos da información . Toda esta información é recollida e actualizada de forma periódica en datos.gob.es.
A recente federación da Xunta de Galicia comezou con máis de 300 conxuntos de datos converténdose así no segundo maior provedor de datos de datos.gob.es. Os datos abarcan un amplo abanico de temáticas: medioambiente, turismo, xeografía, lecer, transporte, urbanismo e vivenda, sanidade, ciencia e tecnoloxía, emprego e actividade empresarial. Ademais, todos eles ofrécense en diferentes formatos abertos (CSV, HTML, ODS, WMS, SOAP, XML ou JSON, entre outros) para que poidan ser tratados con diversos tipos de ferramentas sen necesidade de ter que adquirir licenzas de uso.
A incorporación paulatina a datos.gob.es de novos organismos públicos facilita aos usuarios a localización dos datos abertos que necesiten e o descubrimento das iniciativas existentes en todos os niveis da administración.
