Máis de medio milleiro de responsables, volveranse a atopar en Leganés para avanzar no reto de pór plenamente en marcha en 2020 a administración electrónica conforme ás esixencias legais. Arquiveiros, xestores, técnicos, xurídicos e responsables políticos de todos os niveis das administracións porán en valor as súas mellores experiencias e proporán novas solucións ao reto exposto.
Desde o papel do profesional, a súa necesidade de formación, selección e adaptación ás nievas esixencias; a porta de entrada do cidadán na administración, o rexistro, o proceso de tramitación, a vida, xestión, validación dos expedientes; a dixitalización e preservación; a seguridade e interoperabilidade do documento; o arquivo electrónico único; a conservación e difusión da información; a transparencia; ata, as novas tecnoloxías aplicadas ao documento e ao dato. Estes serán o contido previstos nunha ampla oferta de quince mesas redondas, máis de 20 comunicacións e relatorios e unha decena de talleres prácticos.
Para a nova administración, é necesario establecer modelos de arquivo integrais e seguros, co foco no servizo ao cidadán, garantindo a preservación e a interoperabilidade entre plataformas, xestores documentais e ferramentas de arquivo, difundindo a información de valor, o patrimonio e asegurando o acceso controlado á información.
