O ‘Informe da Década Dixital 2023’ da Comisión Europea sustituye e amplía a serie de informes publicados en anos anteriores titulados Índice de Economía e Sociedades Dixitais -DESI- e inclúe as actuacións que cada país realizou para alcanzar as metas e obxectivos establecidos na Década Dixital. Este informe está orientado a medir e avaliar, a través dun seguimento individualizado, os avances e a evolución de cada un dos Estados membro da Unión Europa en materia de dixitalización.
O informe de 2023 constata a mellora de España en todos o indicadores respecto ao anterior informe DESI e a Comisión Europea presenta unha visión moi positiva sobre os esforzos realizados nos distintos proxectos e iniciativas de dixitalización despregadas coa Axenda España Dixital, aliñada cos obxectivos do programa da Década Dixital.
No apartado de dixitalización dos servizos públicos, o informe destaca o bo comportamento de España e o seu posicionamento por encima da media europea en practicamente todos os ámbitos analizados. En particular, España sitúase moi por encima da media da UE nos indicadores que miden o número de usuarios dos servizos da administración electrónica (84% fronte a 74%); a dispoñibilidade dos servizos púbicos en liña para a cidadanía (86% fronte ao 77%) e para as empresas (91% fronte ao 84%); a proactividad das administracións públicas á hora de proporcionar formularios pre-cubertos a cidadáns e empresas (83% fronte a 68%) e o acceso aos historiais médicos electrónicos (83% fronte a 72%).
Estes datos mostran o alto nivel de interacción en liña entre as autoridades públicas, a cidadanía e as empresas. O informe destaca que España está a implementar actualmente varias medidas que mellorarán o nivel dos servizos públicos máis demandados. Entre elas, a Comisión cita: o programa App Factory para o desenvolvemento de aplicacións móbiles; O meu Cartafol Cidadán, a nova app que acumula xa máis de 1.400.000 descargas; a dixitalización e modernización de entidades locais; o lanzamento dun Ecosistema Dixital Inter-administrativo; a Estratexia Nacional de Servizos Cloud ou o desenvolvemento dun servizo de automatización intelixente (SAI).
No marco do obxectivo de que o 100% dos cidadáns da UE teñan acceso á súa historia clínica electrónica, a Comisión destaca que España está a levar a cabo un espazo de datos sanitarios para recompilar datos de saúde, procedentes de diferentes sistemas de información, e procesalo e analizalo para mellorar unha serie de áreas, como o diagnóstico e os tratamentos; predicións de riscos para a saúde; identificación de patróns; e o acceso dos cidadáns aos seus rexistros sanitarios.
