Vídeo: Os roles na Plataforma de Intermediación de Datos

Neste vídeo explícansenos os roles que interveñen no proceso de intercambio de datos: o cedente e o emisor, por unha banda, e o requirente e o cesionario por outro. O organismo cedente é o responsable do tratamento da información, da custodia dos datos e das regras para a súa cesión; o organismo emisor é o que lle presta servizos tecnolóxicos para a transmisión de datos. Un organismo cesionario é o que necesita a información para a resolución do trámite ou procedemento administrativo; o requirente é o que presta os servizos tecnolóxicos ao cesionario. José Antonio Eusamio, da Secretaría Xeral de Administración Dixital, explícanos así mesmo que é un nodo de interoperabilidade.