E-ARK, “Preservación de Arquivos e Coñecemento en Europa”, é un conxunto de servizos desenvolvidos pola Comisión Europea que inclúen ferramentas informáticas de xestión de Arquivos, apoio á súa implementación e formación técnica.
O I Taller e-Archiving quere informar á comunidade archivística e aos funcionarios das administracións públicas, (Archiveros, Xestores, TIC, Secretarios, etc.) das posibilidades de acceso a software libre e dos diferentes servizos que se ofrecen desde os programas da Unión Europea a tal fin para o seu uso e implementación.
Nese contexto, o Taller deseñouse para que supoña unha presentación práctica das ferramentas, que poden complementar ou axudar ao desenvolvemento doutras aplicacións de software xa existentes. Un encontro interactivo para que os potenciais usuarios poidan intercambiar, cos Enxeñeiros e deseñadores de software e cos Arquiveiros que lideran estes proxectos, información e cuestións xerais relacionadas co acceso, a migración, e a conservación a longo prazo dos Arquivos Electrónicos. Os asistentes poderán valorar así mesmo a posibilidade de formar parte de proxectos piloto de varias destas ferramentas e de participar na redacción das especificacións desde un punto de vista local e nacional.
