Habitualmente, cando se fala de administración dixital, adoitámonos referir a determinadas solucións tecnolóxicas, sistemas de información, aplicacións, que permiten que se avance nunha administración máis efectiva e interconectada. Pero non nos debemos esquecer que unha parte importante do éxito ou do fracaso de todos e cada un dos proxectos é, por unha banda, un bo soporte legal e xurídico asociado, e doutra banda, un sistema de gobernación que permita que todo este tipo de innovacións poida acabar en bo porto e non quede completamente bloqueado pola resistencia ao cambio. E é que se producen modificacións na forma de traballar tanto por parte da Administración como por parte dos administrados, que se non están ben xestionadas e coordinadas, poden non adaptarse ás necesidades reais dos usuarios, xa sexa en cidadáns ou funcionarios.
Para máis información pode consultar a nota técnica Gobernación para facilitar a innovación na administración dixital
