"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".
22 febreiro 2018
Esta versión inclúe cambios tanto no aspecto visual como na tecnoloxía interna
FORMA é un sistema que permite xerar formularios e enquisas para o seu enchemento vía web. Proporciona ao editor a posibilidade de crear formularios, sen necesidade de coñecementos de programación e que poden ser autoadministrados por cada editor.
A nova versión de FORMA supón unha renovación tecnolóxica interna do sistema e visual do mesmo, ademais de achegar nova funcionalidade. A partir de agora, para os formularios abertos poderanse xestionar colectivos (grupos de usuarios) que terán un URL de acceso ao formulario única para cada colectivo. Na xestión das respostas, estas serán agrupadas por colectivos para facilitar o seu procesamento.
