Nacións Unidas presenta cada dous anos a súa enquisa sobre o estado da Administración Electrónica en 193 países. A edición de 2014, titulada “A Administración Electrónica para o futuro que queremos”, realiza unha avaliación sistemática da importancia e o potencial das tecnoloxías de información e comunicación para transformar o sector público mediante a mellora da eficiencia, a eficacia, a transparencia, a rendición de contas, o acceso aos servizos públicos e a participación cidadá nos diferentes Estados membros de Nacións Unidas.
España pasa en 2014 do posto 23 no grao de implantación da Administración Electrónica ao posto 12, e do posto 31 do grao de uso dos servizos públicos electrónicos ao 19.
Os resultados baséanse nun estudo exhaustivo da presenza en Internet dos 193 Estados Membros das Nacións Unidas, que inclúe unha avaliación dos portais web nacionais e das políticas e estratexias de administración electrónica en xeral e en sectores específicos para a prestación de servizos esenciais. Os resultados móstranse en termos comparativos, e non en datos absolutos. Ademais combínanse cun conxunto de indicadores que incorporan a capacidade dun país para participar na sociedade da información, dado que sen un adecuado desenvolvemento desta o uso da Administración Electrónica vese altamente afectado.
Nos dous últimos anos a Administración electrónica española aforrou 16.136.545.488 euros, facendo que os cidadáns poidan realizar o 70% dos trámites por internet.
Recentemente, Naciones Unida recoñeceu á Plataforma de Intermediación de Datos da Secretaría de Estado de Administracións Públicas, cun dos seus premios á Mellora dos Servizos Públicos.
Proyectos como a factura electrónica, as notificacións electrónica, o intercambio de rexistros, a posibilidade de emprender en 3 días, a firma en mobilidade, etc., están a cambiar a Administración española nun esforzo de modernización e innovación, e agora é recoñecido internacionalmente.
Para máis información: http://unpan3.un.org/egovkb/en-us/Data/Country-Information/ide/160-Spain/dataYear/2014
0 Comentarios
Non hai comentarios