Trátase dunha recompilación de conceptos e termos que engloban o estritamente administrativo e a ‘transformación dixital ampliada’ incluíndo a que dá soporte á Administración de Xustiza, a sociedade da información, os contratos públicos, a factura electrónica, o servizo de información inmediata, a firma biométrica, os pagos en diferentes modalidades, a tele traballo e a tele presencia e ata procesos aínda non regulados como redes sociais, voto, obliteración de documentos, documentos suxeitos a condicións de lectura, etc. Ademais, inclúe todo o relevante de Transparencia e Bo Goberno, Protección de Datos, Reutilización de Información do Sector Público, Accesibilidade.
Recolle o amplo repertorio de normas que compoñen o Código da Administración Electrónica
publicado polo BOE e algúns textos máis. En concreto, artigos de 18 directivas da UE, 26 regulamentos da UE, 61 leis (ordinarias, orgánicas, por RDLey ou RDLegislativo) e 52 Reais Decretos.
A destacar que recolle o Real Decreto 311/2022, do 3 de maio, polo que se regula o Esquema Nacional de Seguridade. Considerouse analizalo e incluílo en todos os seus detalles, aínda que moito de articulado e disposicións son de índole técnica xeral que transcende a conceptos de transformación dixital.
Este dicionario vai dirixido a un público amplo interesado na administración electrónica (AE) ou dixital como hora é denominada, sexa ou non experto na materia, con perfil tanto tecnólogo, de xestión ou xurídico e en calquera caso a todo aquel que necesita atopar algo preciso, descubrir os lindes dos conceptos, o que determinan os artigos das normas sobre o particular, así como coñecer outros detalles como termos técnicos, servizos postos a disposición, normativa técnica, e institucións con capacidade normativa ou de execución, en materia de administración electrónica.
