Durante o ano 2013 e o primeiro trimestre de 2014 realizouse un seguimento do progreso da adecuación aos esquemas nacionais de seguridade (ENS) e interoperabilidade (ENI) , segundo o acordado pola Comisión Permanente do Consello Superior de Administración Electrónica en outubro de 2012, e estendido progresivamente ás demais Administracións Públicas, especialmente ás Comunidades Autónomas, a través do Comité Sectorial de Administración Electrónica, con participación de carácter voluntario. Este seguimento executouse mediante sucesivas ondas de cuestionarios en febreiro, maio, setembro e decembro de 2013 e marzo de 2014, para coñecer o estado de situación do progreso da adecuación, identificar aspectos de maior dificultade, así como para solicitar propostas e suxestións.
Ha de terse en conta que o esforzo de adecuación aos dous esquemas, ENS e ENI, veuse realizando en condicións que supoñen un esforzo notable pola limitación e a miúdo redución de recursos económicos e humanos nas que se desenvolve a actividade das entidades da Administración Pública.
Na nova nota técnica do OBSAE: "Seguimento da adecuación aos esquemas nacionais de seguridade (ENS) e de interoperabilidade (ENI)" ofrécense as claves do estado de situación da adecuación tanto ao ENS como ao ENI tras a onda de seguimento de marzo de 2014.
