O Goberno Vasco aforrará 421.000 euros anuais substituíndo o papel pola tramitación electrónica.
Esta medida xa se implantou, desde o pasado luns, na inscrición no Rexistro de solicitantes de vivenda de Etxebide (Servizo Vasco de Vivenda), segundo informou o Departamento de Xustiza e Administración Pública nun comunicado.
A iniciativa ampliarase proximamente ás solicitudes de axudas por nacemento de fillos e para a conciliación da vida laboral e familiar. Máis adiante está prevista a súa progresiva implantación en todos os trámites.
O proxecto forma parte do Plan de Innovación Pública (PIP) aprobado en Consello de Goberno o pasado 31 de maio, e é complementario da tramitación electrónica que xa estaba dispoñible, a finais de 2011, para solicitar máis de 200 servizos de todos os departamentos do Goberno.
A dixitalización do papel no rexistro de entrada permite reducir o uso do mesmo (calcúlase que un 80 por cento en tres anos) e acurtar os prazos de tramitación.