España, no grupo de cabeza do Global Cybersecurity Index 2024 publicado pola UIT

O Índice de Ciberseguridade Global 2024 (en inglés Global Cybersecurity Index - GCI) é unha iniciativa da Unión Internacional de Telecomunicacións (UIT). Trátase dun índice composto para medir o compromiso dos Estados Membros da UIT, 194, a partir de datos recolleitos en 2023 -2024, con cinco alicerces a ciberseguridade: Marco legal, Medidas técnicas, Medidas organizativas, Desenvolvemento de capacidades e Medidas de cooperación.

O informe sitúa aos países en cinco niveles (Tier 1 -T1- a T5). España figura no nivel 1 (T1), tanto no ámbito global como no da Unión Europea.

España puntúa practicamente ao máximo nos 5 alicerces medidos polo GCI e sitúase por encima da Unión Europea.

O Índice Global de Ciberseguridade manexa cinco alicerces:

Legal: existencia dun marco legal relativo á ciberseguridade e o ciberdelito.

Técnico: existencia dun marco de medidas técnicas para afrontar o desenvolvemento da ciberseguridade a nivel nacional.

Organizativo: existencia dun marco estratéxico e organizativo para afrontar a ciberseguridade a nivel nacional. Inclúe estruturas de organización e gobernación para a ciberseguridade.

Creación de capacidades: existencia de programas de investigación e desenvolvemento, educación e capacitación e de entidades do sector público que os fomentan.

Cooperación: existencia de asociacións, marcos de cooperación e redes de intercambio de información, tanto de carácter doméstico como internacional.

Fonte orixinal da noticia: