Os dereitos dixitais foron recoñecidos nos últimos anos para mellorar a adecuación do marco normativo ao mundo dixital, a súa protección e relación con procesos similares en Europa e no mundo.
Diferentes contornas, mesmos dereitos
Os dereitos dixitais son a extensión a este plano dos dereitos fundamentais recollidos por Nacións Unidas, en especial a liberdade de expresión e privacidade das persoas e aqueles que lles permiten utilizar as tecnoloxías dixitais. No entanto, o 40% da poboación española descoñece que os seus dereitos fundamentais tamén deben respectarse no terreo dixital e o 75% asegura que lle resultaría útil saber máis respecto diso.
Importancia da tecnoloxía
Oito de cada dez persoas españolas coinciden en que as tecnoloxías dixitais serán importantes nas súas vidas en 2030 e catro de cada dez pensan que as vantaxes prevalecerán sobre os inconvenientes. Os asuntos que máis preocupan á cidadanía son o cibercrimen, o benestar das e os menores, o uso ilexítimo de datos persoais por parte das empresas e a Administración e as fendas dixitais.
Marco regulatorio
En España, os dereitos dixitais están regulados mediante a Constitución, a Lei de Protección de Datos e Garantía de Dereitos Dixitais e pola Carta de Dereitos Dixitais, unha guía de referencia orientada a reforzar e ampliar estes dereitos e aumentar a confianza das persoas ante os cambios tecnolóxicos. Ademais, tanto o Goberno como a Unión Europea están a impulsar iniciativas e marcos lexislativos.
