Instituto Nacional de Estatística de España (INE)

Enquisas de interese relacionadas coas Novas tecnoloxías da información e a comunicación.
Os datos europeos proceden da páxina web de  Eurostat , onde se pode ampliar información no tema Ciencia e tecnoloxía (Science and technology).

• Enquisa de uso de TIC e comercio electrónico na empresa: elabórase desde 2001. Está integrada nos plans de estatísticas comunitarias sobre Sociedade da Información. O seu obxectivo é obter a información necesaria que permita medir o uso das Tecnoloxías da Información e as Comunicacións e o comercio electrónico nas empresas dos Países Membros.

• Enquisa sobre equipamento e uso de tecnoloxías da información e comunicación nos fogares: elabórase desde 2002. O seu obxectivo, facilitar información sobre os diversos produtos de tecnoloxías de información e comunicación dos fogares españois, así como os usos que fan os españois destes produtos, de Internet e do comercio electrónico.

Anuario estatístico de España

Edita INE, publicación periódica gratuíta na súa edición internet, de periodicidade anual.
É unha obra de información estatística xeral, que inclúe datos procedentes de diversas fontes, internas e externas ao INE. A través das súas táboas obtense un reflexo cuantitativo da realidade económica, social e demográfica española. (Colección completa desde 1858).