Tanto para as Rexións e Cidades como para os Estados membros da UE, é esencial conseguir un Mercado Único Dixital eficiente onde as empresas e os cidadáns europeos poidan exercer os seus dereitos sen barreiras fronteirizas, facilitando así tanto o crecemento continuo das empresas como a mobilidade dos traballadores e os cidadáns que son necesarios para atraer novos investimentos.

Como socio seleccionado para a Semana Europea de Rexións e Cidades, todos os asistentes ao evento europeo poden participar na sesión informativa en liña “ Simp lificando como cidadáns e negocios interactúan cos gobernos ” organizada por DE4A. A sesión ten lugar o martes 12 de outubro de 17:30 a 18:30 (CEST) e nela DE4A presenta os desafíos da interoperabilidade transfronteiriza e como o proxecto axuda a liquidalos en beneficio de cidadáns e empresas mediante un dos seus pilotos, “Moving Abroad”, o cal se lanza en outubro 2021 co obxectivo de crear procesos dixitais que permiten solicitar e entregar probas administrativas en tempo real sen barreiras de idioma, o que facilita a mobilidade dos cidadáns europeos entre Estados membros. 

A Semana Europea de Rexións e Cidades (#EURegionsWeek) é o maior evento anual dedicado ás políticas de cohesión que se celebra en Bruxelas. Ha ido crecendo ata converterse nunha plataforma única de comunicación e relacións entre todas as rexións e cidades de Europa, incluíndo políticos, funcionarios, expertos e académicos.

Agora está aberto o rexistro para a sesión “ Simplificando como cidadáns e negocios interactúan cos gobernos ” organizada por DE4A.

Acerca de DE4A

Os Estados membros da Unión Europea enfróntanse a varios desafíos para proporcionar mellores servizos que permitan conseguir un mercado único dixital completamente operativo, que faciliten de forma efectiva o exercicio dos dereitos do Mercado Único por parte de cidadáns e empresas.

Digital Europe for All (DE4A) é un proxecto H2020 de tres anos orientado a pilotos, que conta con 23 socios de 10 Estados membros e cuxo obxectivo é dar soporte en toda Europa á Pasarela Dixital Única, creada polo Regulamento (UE) 2018/1724, e axudar a que o Mercado Único Dixital sexa  unha realidade.

O proxecto está aliñado co Plan de Acción de Administración Dixital 2016-2020 e coa Estratexia de Implementación do Marco Europeo de Interoperabilidade, en total cumprimento das normativas aplicables, para establecer unha cultura de co-creación, transparencia, responsabilidade e confianza.

O obxectivo é facilitar a migración cara a uns Servizos Públicos Dixitais en Europa cuxa operativa conte coa colaboración de distintos participantes sen fronteiras xeográficas nin sectoriais, reforce a confianza nas institucións públicas e desencadee múltiples efectos positivos cuantificables na mellora da eficiencia e a redución de cargas administrativas e custos.

O proxecto recibiu financiamento do programa de investigación e innovación da Unión Europea “Horizonte 2020” (H2020) baixo o acordo de financiamento nº 870.635.