O Plan foi aprobado o pasado 6 de Marzo no Consello da Axencia, presidido polo vicepresidente e conselleiro de Presidencia, Administracións Públicas e Xustiza. Durante a reunión do máximo órgano de AMTEGA, a súa directora, destacou o grao de cumprimento do Plan de 2014, que se situou no 86%.
Con respecto ás iniciativas previstas para 2015, a Directora de AMTEGA, destacou que este será o ano de aprobación da Nova Axenda Dixital de Galicia, a estratexia tecnolóxica da Comunidade para 2020. Subliñou que as medidas desenvolvidas no marco da primeira Axenda Dixital, 2014.gal, permiten a Galicia facer fronte aos retos establecidos por Europa para o próximos cinco anos.
No ámbito da modernización da administración pública indícase que en 2015 aprobarase o II Plan de Administración e Goberno electrónico, que permitirá consolidar os avances conseguidos no últimos catro anos no campo da eAdministación e afrontar novos retos. Entre outras medidas, este ano está prevista a entrada en funcionamento do Arquivo Dixital Integrado da Xunta; incrementar ata 900 os trámites en liña dispoñibles na sede electrónica da Xunta; ampliar os servizos do nodo de interoperabilidade; conseguir os 15.000 empregados públicos con firma dixital; e a posta en marcha do sistema Chave 366, que permitirá a tramitación en liña a través de contrasinais seguros e sen necesidade de certificados dixitais
No campo da Xustiza, aprobarase o novo Plan Senda 2020 e porase en marcha a sede electrónica xudicial, accesible desde o portal eXustiza
, e que nunha primeira fase permitirá a presentación escritos de trámite sobre procesos monitorios e a posibilidade de achegar a documentación que se considere.
O Plan tamén inclúe programas dirixidos a avanzar cara a unha cidadanía dixital, integrar o TIC nos sectores económicos clave de Galicia, impulsar o sector TIC e estender redes ultrarrápidas na Comunidade.
