A conferencia introducirá a Pemes e outras empresas no potencial negocio do TIC das institucións europeas desde un enfoque eminentemente práctico, presentándolles a organización da informática, a contorna TIC, as diferentes formas de contratación e procedementos habituais, así como a tipoloxía de contratos, duración e requisitos necesarios.
As institucións da UE xestionan un orzamento anual no TIC de varios centos de millóns de euros (só a Comisión Europea xestiona uns 500 millóns). Existen numerosas oportunidades de negocio na UE para as empresas TIC e o obxectivo da conferencia é que ese negocio non resulte afastado e inaccesible para estas.
