O CCN-CERT, do Centro Criptolóxico Nacional (CCN), publicou a nova Guía de adecuación ao ENS para Universidades (CCN-STIC 881)
para dar resposta ás necesidades do sector público e, en particular, ás universidades públicas.
O obxectivo desta Guía é proporcionar un modelo que facilite a adecuación ao ENS dos sistemas dos centros públicos de ensino superior de forma ordenada e efectiva e obter a Certificación de Conformidade para os seus sistemas segundo o Perfil de Cumprimento Específico para Universidades que se desenvolveu.
Como obxectivo último, estes centros deberán superar o proceso de Certificación ao ENS conforme ao Perfil de Cumprimento recomendado nesta guía, iniciando así o ciclo de gobernación da ciberseguridade, mediante a revisión e mellora continua dos procesos de seguridade despregados no sistema.
Esta guía consta de diversas seccións entre as que destaca o “Modelo de gobernación”, o “Plan de adecuación ao ENS”, a “Implantación de medidas” así como a dedicada a “Ferramentas para a gobernación da ciberseguridade”.
Finalmente, a guía consta de dous anexos, a “Política de seguridade para universidades, e o “Plan de adecuación ao ENS para Universidades”.
