A nova Guía AENOR de aplicación da Norma UNE-ISO/IEC 27001 Facilitará o cumprimento do Esquema Nacional de Seguridade.
A nova edición da Guía AENOR de aplicación da Norma UNE-ISO/IEC 27001 do Sistema de Xestión de Seguridade da Información nas empresas, facilitará o cumprimento do Esquema Nacional de Seguridade (ENS) ás Administracións Públicas españolas e outras organizacións. A Guía foi revisada e ampliada respecto da versión de 2009 para incorporar os requisitos fixados polo ENS, que será obrigatorio para o conxunto das AA. PP. en xaneiro de 2014.
A Norma UNE ISO/IEC 27001, que é certificable por terceira parte independente, establece os requisitos para implantar, documentar e avaliar un sistema de xestión da seguridade da información.
O certificado ten numerosas vantaxes, como a acreditación de que a empresa implantou un conxunto de controis adecuados para asegurar a confidencialidade, integridade e dispoñibilidade do seu sistema de información. En definitiva, certifica que a organización reforzou a súa Seguridade da Información. Ademais, permite ás organizacións coñecer os seus riscos, identificando ameazas para a actividade empresarial, e reducilos eficazmente.
Así mesmo, permite cumprir coas distintas lexislacións de protección de datos de carácter persoal, servizos da sociedade da información, comercio electrónico, propiedade intelectual e toda aquela relacionada coa seguridade da información.