A Axencia Española de Protección de Datos (AEPD) e a Axencia da Unión Europea para a Ciberseguridade (ENISA) organizan o evento “DATA SPACES IN EU: Synergies between data protection and data spaces, EU challenges and experiences of Spain”, que abordará as Iniciativas Europeas de Espazos de Datos desde a perspectiva da privacidade.
A xornada reunirá a expertos, industria, mundo académico e administración pública para explorar os retos e oportunidades na estratexia de datos da Unión Europea. Crearemos un ambiente propicio para ter a oportunidade de compartir experiencias e coñecementos, arroxando luz sobre as sinerxias entre a protección de datos e os espazos de datos, cun enfoque particular tanto na UE como nas experiencias de España.
Na conferencia preténdese debater e abordar os seguintes aspectos:
- os retos e oportunidades da aplicación das disposicións do RGPD nos Espazos de Datos da UE
- as leccións aprendidas e as boas prácticas das iniciativas existentes en materia de espazos de datos a escala da UE
- a interacción entre a lexislación e as políticas da Unión en materia de compartición de datos
- a enxeñaría da protección de datos desde o deseño nos espazos de datos.
As persoas que asistan ao evento presencialmente tamén terán a oportunidade de participar nun taller onde se poderán intercambiar puntos de vista e debater sobre aspectos incipientes de protección de datos nos espazos de datos.
O rexistro para asistencia en liña estará dispoñible a primeiros de setembro. A asistencia presencial será mediante invitación.
