El Ministerio de Economía y Empresa ha presentado el informe anual “La Sociedad en Red 2017” elaborado por el Observatorio Nacional das Telecomunicacións e da Sociedade da Información
(ONTSI).
O informe recompila numerosos indicadores nacionais e internacionais e presenta unha panorámica completa e detallada da situación da penetración e uso das Tecnoloxías da Información e as Comunicacións (TIC) e do avance da Economía e de Sociedade da Información en España, Europa e a nivel internacional.
Algúns dos datos contidos no informe son:
- A nivel mundial, todos os indicadores relacionados coa Sociedade da Información creceron globalmente. Segundo The Mobile Economy 2018, superáronse o 5 mil millóns de persoas conectadas aos servizos móbiles en 2017, ademais prevese que a industria global móbil seguirá aumentando durante os próximos anos.
- En Europa, o Índice DESI, elaborado pola Comisión Europea, mide o estado de dixitalización dos 28 estados membros, sendo Dinamarca, Suecia, Finlandia e Holanda as economías dixitais máis avanzadas segundo este índice. España, con 58 puntos sobre 100, ocupa a décima posición do ranking europeo, catro puntos por encima da media da UE28.
- En 2017 continúa consolidándose a contratación conxunta de servizos TIC e, a finais de ano, o 77,9 % dos fogares contaba con paquetes de servizos TIC sendo o máis común o que agrupa telefonía fixa, telefonía móbil e Internet (50 % dos fogares con paquetes TIC).
- O 8,8 % das pemes e grandes empresas realizaron análises de Big Data e destacan os realizados sobre datos procedentes da geolocalización a partir de dispositivos portátiles (52,5 %) e os xerados polos medios sociais (46,5 %). Pola súa banda, o 2,4 % das microempresas tamén realizaron análises Big Data sendo igualmente a principal fonte de datos os derivados da geolocalización a partir de dispositivos portátiles (63,9 %).
Consulta o Informe Anual "A Sociedade en rede 2017"
