O Anteproxecto de Lei de Transparencia inclúe achegas dos cidadáns.
Case 80.000 cidadáns interesáronse pola elaboración da norma e enviáronse preto de 3.700 observacións, que se traduciron en significativas modificacións respecto ao primeiro texto publicado polo Goberno.
O Goberno enmarca esta reforma no seu programa de rexeneración democrática, pero insiste en que terá efectos económicos porque xera confianza e aumenta a responsabilidade dos xestores públicos.
O Consello de Ministros recibiu un informe da vicepresidenta do Goberno e ministra da Presidencia sobre o Anteproxecto de Lei de Transparencia, Acceso á Información Pública e Bo Goberno. Ademais, acordou a súa remisión, para a redacción dos oportunos informes, á Axencia Española de Protección de Datos e ao Consello de Estado, como paso previo ao seu envío ás Cortes para a súa tramitación parlamentaria.