Como a maioría das aplicacións de xestión GLPI/OCS consiste no alta, modificación e baixa de información, pero para facilitar este labor inclúense as seguintes funcionalidades:
Inventario automatizado: permite a recollida de gran parte da información de forma automática.
Procuras: a aplicación dispón de potentes procuras que permiten localizar rexistros pon numerosos criterios e combinacións destes.
Xestión de conexións: pódense interconectar os equipos entre si de forma que se pode ter dunha ollada os equipos relacionados entre si, así como a actualización de información común dunha maneira sinxela.
Integración con localizacións: pódese personalizar a localización dos equipos para a súa fácil localización física.
Licencias software: á parte do parque informático pódense xestionar as licenzas de software utilizadas e relacionalas on o os equipos físicos.
Datos de xestión económica: pódese incluír información administrativa relacionada cos equipos como son expedientes, provedores, datos de garantía, de envío, etc.
A nivel de administración tamén se inclúen unha serie de características de utilidade como son:
Sistema de permisos: permite crear distintos perfís para o acceso ás distintas opcións da aplicación
Xestión centralizada ou distribuída: pódese manter a información de forma centralizada ou delegar parte a cada sede o mantemento do seu propio inventario a través do sistema de permisos comentado anteriormente.
Autenticación local ou via LDAP: a autenticación pódese realizar mediante usuarios locais ou importar usuarios dun directorio LDAP de forma que non existan distintos identificadores de usuario para distintas aplicacións.
Xestión de estados: permite a definición de estados para facilitar o seguimento da vida útil dos equipos.
Outras utilidades interesantes un pouco á marxe da relación de equipos como tal son:
Reservas de equipamento: hai unha xestión de reservas de equipos para controlar o material que é usado por distintos usuarios, como poden ser portátiles, canóns para presentacións, etc.
Base de coñecemento: pódese incluír todo o tipo de documentación que se desexe nunha base de coñecemento de forma que se poida acceder facilmente a esta para poder resolver calquera dúbida ou necesidade.
Notificacións e alertas: permite a configuración de alertas e avisos para notificar os finais de garantía e expiraciones de contratos.
A aplicación GLPI/OCS baséase nun desenvolvemento de softwre libre cuxa finalidade é poder ser utilizada nunha contorna Web, as características en que se basea este desenvolvemento son:
MySql 4.1 ou superior: base de datos da aplicación
Apache: servidor web con SSL activado
C++: o axente de windows que remite a información é un executable desenvolvido nesta linguaxe.
Perl: necesítanse incluír módulos desenvolvidos nesta linguaxe no servidor apache. Tamén é a linguaxe en que está desarrolado o axente de linux.
PHP 4 ou superior: para o desenvolvemento da interface de usuario mostrado en HTML.
AJAX: para a axilización de partes da interface de usuario.
CSS: como follas de estilo para a presentación da interface de usuario.
HTTP: como protocolo de comunicación, tamén se pode utilizar HPPTS.
Se se quere automatizar certos procesos tamén é necesario programar un cron para que estes sexan executados periodicamente
Os sistemas operativos utilizados son:
Linux Red Hat para o servidor Web e a base de datos.
Windows XP para os equipos en sobremesa onde se instalan os axentes de OCS.
