O proxecto consiste en sentar as bases dun desenvolvemento coordinado e sustentable da ea nas EELL galegas. A análise do ámbito local no territorio galego puxo de manifesto un conxunto de carencias e necesidades, e o desexo de chegar a unha situación obxectivo baseada na cooperación entre AAPP para lograr un marco de niveis homoxéneos de servizos, tras o cal acometeranse accións conxuntas e desenvolverá a interoperabilidade entre as AAPP galegas.
O Plan eConcellos está formado polas seguintes liñas estratéxicas:
Relación Xunta de Galicia-Concellos, centrada no proxecto do portal EidoLocal, que busca consolidarse potenciando os seus contidos a través da posta en marcha do Cartafol do Concello, os Servizos de Apoio aos Concellos e o Portelo Único.
Relación Concellos-Cidadanía, que se pon en práctica a partir dos ámbitos de actuación:
Atención ao cidadán: os proxectos máis significativos son a redefinición do modelo de Portal Único e a creación dun novo modelo de Oficinas de Atención Presencial aos cidadáns.
Desenvolvemento ea local: entre as principais iniciativas a desenvolver para complementar as actuacións das Deputacións, están a creación do Catálogo Normalizado de Procedementos das EELL, a implantación nas EELL dos procedementos telemáticos e o Catálogo de Sistemas para a ea.
Ademais, a Xunta de Galicia centrarase nos seguintes ámbitos horizontais que afectan a ambas as liñas de actuación:
Modo neutro de interoperabilidade: para cumprir cos requisitos do Esquema Nacional de Interoperabilidade, está previsto o impulso dunha rede interadministrativa de interconexión das EELL co resto das AAPP de diversos niveis e a posta a disposición das EELL de servizos dixitais horizontais.
Infraestruturas: para o desenvolvemento da ea, as EELL requiren unha infraestrutura tecnolóxica como os centros de aloxamento de sistemas e datos, solucións de identidade dixital e a adhesión ao Esquema de Comunicación da Xunta.
Medidas instrumentais: como complemento dos proxectos principais, asinarase o convenio COAS das EELL para a creación dun marco de cooperación no impulso da modernización nese ámbito, ademais das actuacións de formación, sensibilización, dinamización e continuidade da ea a cargo da Oficina eConcellos.
