Jean-Claude Juncker, Presidente da Comisión Europea, considerou nun discurso ante o Parlamento
que a Unión Europea “está mal equipada de face aos ciberataques” e propúxose facer do dixital e da ciberseguridade unha das súas prioridades, convocando un cume de líderes da Unión para tratar estes asuntos o próximo 29 de setembro en Tallin.
O Presidente instou os países membros a proteger mellor aos europeos na era dixital. "No últimos tres anos, progresamos no mantemento da súa seguridade en liña. Novas normas, propostas pola Comisión, protexerán a nosa propiedade intelectual, a nosa diversidade cultural e os nosos datos persoais. Reforzamos a loita contra a propaganda terrorista e a radicalización en internet. Con todo, Europa aínda non está ben equipada para enfrontarse aos ciberataques", confesou Junker na súa intervención.
Así mesmo, elevou a ameaza destes ataques e advertío que "os ciberataques poden ser máis perigosos para a estabilidade das democracias e as economías que as armas e os tanques" e é que só durante o último ano, producíronse máis de 4 000 ataques de ransomware ao día e o 80 % das empresas europeas experimentaron polo menos un incidente de ciberseguridade.
"Os ciberataques non coñecen fronteiras e ninguén é inmune a eles. Por este motivo, a Comisión propón hoxe novas ferramentas, entre elas unha Axencia Europea de Ciberseguridade, que nos axude a defendernos" concluíu o Presidente.
O pasado xullo, a Comisión anunciou que nos meses posteriores tiña previsto presentar unha estratexia europea de ciberseguridade.
