O Premio de Nacións Unidas ao Servizo Público (United Nations Public Service Awards, UNPSA) é o máis prestixioso recoñecemento internacional á excelencia no servizo público. Prémianse os logros creativos e as contribucións das institucións de servizo público que conducen a unha administración pública máis eficaz e sensible nos países de todo o mundo. A través dun concurso anual, os Premios das Nacións Unidas ao Servizo Público promoven o labor, a profesionalidade e a visibilidade do servizo público.
As Nacións Unidas ha iniciado o prazo para aceptar candidaturas para os Premios UNPSA 2017, prazo que estará aberto ata o 28 de febreiro de 2017.
En 2017, as candidaturas para os premios divídense en tres categorías:
- Integración dos máis pobres e vulnerables a través de servizos inclusivos e de participación.
- Promoción da transparencia, a rendición de contas e a integridade no servizo público.
- Innovación e excelencia na prestación de servizos de saúde.
Os premios serán entregados o 23 de xuño de 2017, durante a celebración do Foro de Nacións Unidas sobre o Servizo Público, que terá lugar en Holanda. O 23 de xuño é o Día do Servizo Público das Nacións Unidas, cuxa finalidade é celebrar "o valor e a excelencia que o servizo público teñen para a sociedade; destacar a contribución dos servizos públicos no proceso de desenvolvemento; recoñecer o traballo dos funcionarios públicos, e estimular aos mozos a seguir carreiras no sector público". Desde a primeira entrega dos premios no 2003, Nacións Unidas recibiu un número crecente de nomeamentos de todo o mundo.