O Centro Criptolóxico Nacional (CCN) actualizou o seu Guía CCN-STIC-809 de Declaración e Certificación de conformidade co ENS na que recolle a información necesaria para que os organismos públicos cumpran co artigo 41 do ENS: Os órganos e Entidades de Dereito Público darán publicidade nas correspondentes sedes electrónicas ás declaracións de conformidade, e aos distintivos de seguridade dos que sexan acredores, obtidos respecto ao cumprimento do Esquema Nacional de Seguridade.
Así pois, perseguindo o seu cumprimento, o documento sinala aos responsables públicos cal debe ser o aspecto e o contido das declaracións de conformidade e distintivos de seguridade mencionados, quen pode solicitalos, quen pode concedelos e como deben facerse visibles nos espazos públicos tecnolóxicos dos organismos afectados ou nos privados dos operadores económicos concernidos.
A Guía inclúe, ademais, un apartado de solucións e servizos prestados polo sector privado, dado o incremento da participación das empresas na prestación de servizos das entidades públicas (a través, por exemplo, de servizos na nube). Inclúese tamén, dous modelos de declaración e selo de conformidade e de certificación de conformidade co ENS.
Descarga das guías da serie 800 - Esquema Nacional de Seguridade
