O Consello de Transparencia e Bo Goberno (CTBG) publicou o informe cos resultados da avaliación do cumprimento das obrigas de publicidade activa de seis órganos reguladores e supervisores e Autoridades Administrativas Independentes.
O informe do CTBG mostra que o grao de cumprimento das obrigas de impostas por Lei de transparencia, acceso á información pública e bo goberno (LTAIB) por parte do conxunto das entidades avaliadas, incrementouse nun 14%, respecto ao rexistrado na avaliación anterior. En concreto, o índice de 2022 foi dun 89,3%, fronte ao 78,2% de 2021.
Na revisión do cumprimento das recomendacións que o CTBG realizou a estas entidades en 2021, o Informe do Consello constata que foron aplicadas nun 62,5%. Do mesmo xeito que no caso dos órganos constitucionais, o CTBG congratúlase de que as súas indicacións contribuísen a potenciar o cumprimento da Lei de Transparencia. No entanto, para aqueles órganos que aínda non lograron aproximarse ao pleno cumprimento, formúlanse unha serie de recomendacións específicas dirixidas, fundamentalmente, a facilitar aos cidadáns e cidadás a localización, a accesibilidade e a comprensión da información pública.