accesskey_mod_content

Dispoñible a través da plataforma de intermediación a consulta de inexistencia de antecedentes penais

  • Opinar
  • Escoitar
  • Imprimir PDF
  • Compartir

"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".

21 outubro 2015

Este novo certificado ofrecido grazas ao Ministerio de Xustiza permitirá axilizar a tramitación administrativa especialmente en xestión de persoal.

A Plataforma de Intermediación de Datos - PID - permite que os cidadáns non teñan que presentar en procedementos da administración documentos que xa están en poder dela. Por tanto produce unha gran mellora de face aos cidadáns e mellora a eficiencia e eficacia das organizacións. Aos máis de 50 tipos de certificados que xa ofrece a plataforma de intermediación incorpórase agora o servizo de Consulta de inexistencia de antecedentes penais.

O Rexistro Central de Penados depende do Ministerio de Xustiza. En concreto, a xestión do Rexistro corresponde á Subdirección Xeral de Rexistros Administrativos de apoio á Actividade Xudicial, Unidade que facilitou o acceso á Plataforma de Intermediación.

O certificado de antecedentes penais, é un documento gobernamental que expide o Ministro de Xustiza onde se acredita que o solicitante foi ou non foi condenado nunha sentenza por un delito cometido. Tamén informa, no seu caso, se se lle privou de liberdade e que cumpriu ou non a condena e se é así, o réxime de liberdade de que dispón.

O novo servizo  engadido á PID permite certificar a non existencia de antecedentes penais dunha persoa. En caso de dúbida ou existencia de antecedentes o servizo indicará que debe informarse ao cidadán de que debe obter un certificado de Antecedentes Penais .

A incorporación na PID deste certificado fora longamente demandada polas distintas Administracións, pois se require en multitude de trámites administrativos, sobre todo os relativos á xestión de persoal, nomeamentos e outras cuestións relacionadas.

O seu uso implicará que o cidadán non terá que solicitar o certificado e achegará seguridade xurídica nos procedementos nos que só se esixe unha declaración responsable.

Toda a documentación relacionada para comezar a usar este servizo atópase dispoñible na solución da Plataforma de intermediación

Tamén poden solicitar información, ou axuda a través do Centro de Atención a Integradores e Desenvolvedores (CAID) do MINHAP

  • Interoperabilidade
  • Infraestruturas e servizos comúns