As modificacións son as seguintes:
- A partir de agora, a activación da identificación electrónica será para maiores e menores, pero, a activación da firma electrónica será unicamente para maiores de idade. A entrega dun documento co certificado de identificación electrónica activado permitirá protexer aos menores nas redes sociais, xa que son moitas as páxinas que solicitan información sobre a idade do usuario.
- Simplifícase a primeira expedición do DNIe, xa que antes esixíase o certificado de empadroamento e agora servirá entregar o volante de empadroamento, documento que é máis fácil de obter.
- Modificacións técnicas na toma de impresións dactilares: nos casos en que non poidan realizarse sobre os dedos índices, por mutilación ou defecto físico, substituiranse por outro.
- Tendo en conta que os cambios de fisionomía son moi rápidos, nos menores de cinco anos o prazo de validez do DNIe pasa de cinco a dous anos. Iso non supón ampliar as cargas administrativas para os cidadáns posto que se trata de expedicións voluntarias.
