accesskey_mod_content

Os cidadáns de Murcia realizaron 35.000 trámites por Adminsitración electrónica desde o pasado mes de xaneiro

"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".

14 agosto 2013

A Comunidade Autónoma de Murcia implantou a sede electrónica co obxectivo de facilitar aos cidadáns a obtención de certificados e a realización dunha serie de trámites, a través de Internet, coa Administración rexional, outras administracións públicas, empresas de telecomunicacións ou con entidades bancarias.

Este servizo púxose en marcha en xaneiro de 2013 e durante estes meses a web recibiu máis de 170.000 visitas e os cidadáns iniciaron ao redor de 35.000 trámites, segundo informaron fontes do Goberno rexional nun comunicado.

Actualmente pódense obter certificados de pensións non contributivas, bono social, familia numerosa, o certificado de estar ao corrente de pago coa Administración rexional ou os de instalacións eléctricas de baixa tensión, de gas, térmicas e radiológicas.

A Consellería de Economía e Facenda ten intención de continuar incorporando, nos próximos meses, a posibilidade de obter novos certificados, como o grao de discapacidade ou a clasificación de empresas, entre outros. Unha serie de certificacións que ata agora só podían obterse nas Oficinas Corporativas de Atención ao Cidadán ou dos correspondentes centros xestores.

 

Fonte orixinal da noticia(Abre en nova xanela)

  • Cidadán
  • Servizos electrónicos