O Goberno aproba un Real Decreto que impulsa a apertura e reutilización de datos públicos do sector público estatal.

O Consello de Ministros aprobou hoxe, por proposta dos ministerios de Industria, Turismo e Comercio e de Política Territorial e Administración Pública, o Real Decreto polo que se desenvolve a Lei sobre reutilización da información do sector público, para o sector público estatal.
Culmina así a tramitación desta norma que, seguindo as mellores prácticas do Goberno Aberto, foi sometida a un enriquecedor trámite de información pública facendo uso de medios electrónicos e que recibiu o apoio xeneralizado do sector privado, a sociedade civil, o sector público, incluíndo valoracións positivas por parte do Consello de Estado e a Comisión Europea.
O obxectivo do Real Decreto é situar a España xunto a países de vangarda en materia de apertura de datos públicos, como Estados Unidos ou Reino Unido, favorecendo ademais a creación de novos produtos e servizos de valor engadido no sector dos contidos dixitais e contribuíndo á transparencia na actuación das Administracións públicas como principio básico da democracia. A ampliación do noso marco legal coloca ao noso país, adicionalmente, en posición de exercer unha posición de liderado na futura revisión da Directiva Europea sobre a materia.

ligazón a referencia do Consello de Ministros