O Expediente Dixital do Alumno (EDA) é un proxecto desenvolvido polo Instituto Nacional de Tecnoloxías Educativas e de Formación do Profesorado (INTEF), que fai posible o traslado de expedientes dos alumnos, de etapas non universitarias, entre as diferentes administracións.
O Expediente Dixital Alumno está formado por un conxunto organizado de categorías e datos educativos referentes ao alumno, así como o conxunto de metadatos do propio expediente electrónico.
- Datos de identificación
- Datos de escolarización
- Datos académicos
- Datos sobre atención a necesidades específicas de apoio educativo
- Outros datos educativos e de formación relevantes
- Metadatos do expediente
Os esquemas XSD foron nomeados en inglés para ampliar o ámbito da interoperabilidade, desta forma déixase tecnicamente aberta a posibilidade de transferencia e portabilidade a outros sistemas de xestión de niveis de educación superior e mesmo ao ámbito europeo.
O esquema proposto toma como base o expediente electrónico do Esquema Nacional de Interoperabilidade co cal cumpre con todos os criterios básicos establecidos polo mesmo.
